गारगोटी : प्रतिनिधी
येथील कर्मवीर हिरे कनिष्ठ महाविद्यालयात कला, वाणिज्य, विज्ञान शाखेतील इयत्ता अकरावीच्या वर्गातील विद्यार्थ्यांचा प्रवेशोत्सव कार्यक्रम उत्साहात झाला. पारंपरिक वाद्यांच्या गजरात मौनी विद्यापीठाच्या आवारात विद्यार्थ्यांची फेरी काढून या नवागतांचे पुष्पवृष्टी करून गुलाबपुष्प व साखर-पेढे वाटून उत्साहात स्वागत करण्यात आले.
प्राचार्य डॉ. उदयकुमार शिंदे, कर्मचारी प्रतिनिधी डॉ. अरविंद चौगले, उपप्राचार्य डॉ. संजय देसाई, एस. जे. जितकर, पर्यवेक्षक एस. एस. पाटील यांच्यासह सर्व प्राध्यापक, विद्यार्थी-विद्यार्थीनी, कर्मचारी उपस्थित होते. प्रा. डी. एन. जाधव यांनी स्वागत व प्रास्ताविक केले. प्रा. डी. जे. आरडे यांनी आभार मानले. बारावीच्या वर्गातील विद्यार्थ्यांनी या कार्यक्रमाचे उत्कृष्टरित्या नियोजन करून यामध्ये उत्स्फूर्त सहभाग घेतला.
Leave a Reply